Transcript
Tiqṣiḍin n Tira Iqedsen I warrac imecṭaḥ Tasuqilt : Murad 08/11/2012 Adlis-agi yeεna arrac imecṭaḥ, ad tafem deg-s tiqṣiḍin n Wedlis Iqedsen s tugniwin (tteṣwirat), i wakken ad t-ttawin yid-sen ɣer tmezdayt. Ayagi mačči d ayen ara ten-yawin ur t-qqaren ara deg wussan nniḍen n ddurt, maεna ilaq d kenwi ar sen-yefken afud yerna ad t-teqqarem yid-sen deg wexxam. 2 3 I tyemmatin d yibabaten Tiyemmatin d yibabaten εzizen, Adlis-agi yeεna imeẓyanen, ad tafem deg-s tiqṣiḍin n Wedlis Iqedsen s tugniwin (tteṣwirat), i wakken ad t-ttawin yid-sen ɣer tmezdayt. Ayagi mačči d ayen ara ten-yawin ur t-qqaren ara deg wussan niḍen n ddurt, maεna ilaq d kenwi ar sen-yefken afud yerna ad t-teqqarem yid-sen deg wexxam. Tiqṣiḍin yellan deg-s d tid i d-yettwakksen si Tira Iqedsen i wakken ad issinen irgazen d tlawin yellan deg-s, d ayen ara izerεen imenzayen n Wawal n Rebbi i wakken ad aɣen aẓar deg wul-nsen skud mazaliten d ileqqaqen. Tiqṣiḍin-agi wwint-d ɣef lecɣal n Rebbi Ababat, tudert n Ssid Yasuε Lmasiḥ d lewṣayat n Rebbi. Am wakken ara tafem deg-s aṭas n teqṣiḍin ɣef yimenzayen d wamek i ilaq ad ddun warrac imecṭaḥ. Ɣer taggara n yal taqṣiḍt ad tafem aseqsi isehlen, tiririt ara d-yerr fell-a weqcic ad tessiweḍ ad ifhem lmeqsud n teqṣiṭ yerna ad as-yecfu. Nessaram d akken adlis-a ad d-yawi lfakya i nettraǧu di tudert n warrac-nneɣ. Lbaraka n Ssid-nneɣ Yasuɛ Lmmasiḥ ad tili ɣef warrac-nneɣ imecṭaḥ. 4 5 Rebbi ixleq-d ddunit d wayen akk yellan deg-s: ijeǧǧigen, ttjur, aman, itran. . . Ixleq-d daɣen iṭij iwakken ad aɣ-d-yefk tafat-is deg wass, yerna ad aɣyesseḥmu deg wussan n tegrest (ccetwa). Tanemmirt-ik, a Rebbi, imi i d-txelqeḍ iṭij. Anwa i d-ixelqen iṭij? (Laṣel n ddunit 1) 6 7 Adam, d netta i d argaz amezwaru i d-yexleq Rebbi, Ḥewwa, d tameṭṭut tamezwarut. Mi ten-idyexleq Rebbi, yessers-iten deg yiwen n wemkan icebḥen nezzeh, isem-is " leǧnan n Ɛiyden", dɣa ferḥen deg-s aṭas aṭas. . Ixleq-d Rebbi daɣen iɣersiwen. Twalaḍ lfil d weɣyul n lexla di tugna-agi ? Anwa i d-ixelqen Adam d Ḥewwa? (Laṣel n ddunit 1-2) 8 9 Adam d Ḥewwa nedmen yerna ḥeznen axaṭer xedmen ayen ur neεǧib ara i Rebbi. Ihi, tura ad teniεaqeb Rebbi, ad ten-id-yessufeɣ si “leǧnan n Ɛiyden’, amkan-nni icebḥen anida i ttidiren, yerna lmalayek ad εassen leǧnan-nni i wakken Adam d Ḥewwa ur ttuɣalen ara ɣer-s. Acimi Adam d Ḥewwa ǧǧan axxam-nsen icebḥen yellan di leǧnan n Ɛiyden? (Laṣel n Ddunit 3) 10 11 Adam d Ḥewwa sɛan sin n warrac, Kayin d Habil. Habil yella yettaɣ awal i Rebbi, mačči am Kayin. Yiwen wass yerfa Kayin dɣa yenɣa gma-s Habil. Neẓra d akken timenɣiwt d ddnub. Adam d Ḥewwa ḥeznen. Ula d Rebbi yeḥzen. Ismawen-nsen warraw n Adam d Ḥewwa? (Laṣel n ddunit 4) 12 13 Rebbi yumer Nuḥ ad ibnu lbabur (taflukt tameqqrant), dɣa εawnent warraw-is di lxedma-s. Lbabur-nni ur yelli ara deg waman maεna di lqaεa. Mi ara d-iserreḥ yigenni i ugeffur s waṭas, ad kkren yiḥemmalen n waman di lqaɛa, maεna Nuḥ d twacult-is merra ad ilin di laman daxel n lbabur-nni. Anida ara yili Nuḥ netta d twacult-is mi ara d-wten waman seg yigenni? (Laṣel n Ddunit 6) 14 15 Mi yekfa Nuḥ s lebni n lbabur-nni, Rebbi yennayas-d ad issekcem ɣer daxel-is tayuga (sin) si yal ṣṣenf n yiɣersiwen d yefrax. Dɣa deg umedya, Nuḥ yewwi-d snat n teɣzalin, sin n yebriken, sin n yizmawen. Ad ilin akk di laman daxel lbabur mi ara d-yekker uḥemmal ameqqran n waman. Acḥal n yizmawen ara yilin daxel n lbabur? (Laṣel n ddunit 7) 16 17 Iserreḥ-d yigenni i ugeffur s waṭas, armi i tuɣal ddunit akk tɣumm s waman. Ma d lbabur n Nuḥ yella sufella n waman. S tidet, Rebbi iɛuss ɣef Nuḥ d twacult-is d yiɣersiwen akk yellan di lbabur-nni. Ula d kečč, Rebbi yettɛassa-fell-ak yerna yettbarak-ik. Anwi yellan di lbabur? (Laṣel n ddunit 7) 18 19 Qesden yemdanen ad bnun yiwen lberj, d aɛlayan aṭas aṭas, isem-is "lberj n babil". Ɣilen yezmer ad yaweḍ s igenni. Maεna Rebbi ur yebɣi ara ad bnun lberj-nni. Rebbi yeḥbes ccɣel-nsen, yerra-ten ttmeslayen tutlayin yemgaraden, wa ur ifehhem i wa, dɣa mfaraqen. Anwa i iḥebsen imdanen si lebni n lberj? (Laṣel n ddunit 11) 20 21 Ibrahim yella d aḥbib n Rebbi. Tameṭṭut-is isemis Ṣara. Rebbi yumer Ibrahim ad iffeɣ tamurt-is, ad iruḥ ɣer tmurt-niḍen. Inna-yas: "Ad ak-fkeɣ akk tamurt-agi i kečč d twacult-ik, i wakken ad tt-tzedɣem”. Ibrahim yesɛa aṭas n lmal akked yeɣyal. Twalaḍ-ten di tugnaagi? Ismawen-nsen wergaz -agi d tmeṭṭut-is? (Laṣel n ddunit 12) 22 23 Ibrahim d tmeṭṭut-is ur sεin ara dderya, dɣa llan di leḥzen. Anwa-t weqcic-agi i la tettwaliḍ di tugnaagi? Ih, yefka-asen-d Rebbi yiwen n weqcic isem-is "Isḥaq". Ibrahim d Ṣara ferḥen aṭas axaṭer Rebbi yeslad i tẓallit-nsen, dɣa yefka-yasen-d aqcic. Isem-is mmi-s n Yebrahim d Ṣara! (Laṣel n Ddunit 21) 24 25 Mi meqqer Isḥaq, yezweǧ d Ribka, dɣa sεan-d yiwen n mmi-tsen, isem-is Yaεqub. Yiwen n wass, yeεya Yaεqub dɣa yessummet aẓru, yeṭṭeṣ. Di targit, iwala lmalayek ttalint s igenni ttṣubbunt-d seg yigenni. Dɣa yenna-yas-d Rebbi: ad ɛasseɣ fell-ak yerna ad k-barkeɣ". D acu i iwala Yaεqub di targit? (Laṣel n ddunit 28) 26 27 Yaεqub yesεa yiwen n gma-s d akniw, isem-is : “Ɛisu”. Mi meqqrit mxallafen-d dɣa mfaraqen. Yunag Yaεqub, iruḥ yezdeɣ deg yiwet n tmurt ibeεden. Maεna ɣer taggara, iceggeε-as i gma-s Ɛisu, yenna-as : bɣiɣ ad k-waliɣ, ad nuɣal d imeddukal am zik. Mi mlalen ferḥen aṭas. Ismawen-nsen watmaten-agi? (Laṣel n ddunit 33) 28 29 Yaεqub yimɣur, yuɣal d amɣar. Tnac n warrac i yesɛa. Maεna d Yusef i iḥemmel akter, yefka-yas aqendur icebḥen aṭas. Atmaten n Yusef iɣaḍ-iten lḥal imi ur asen-yefki ara baba-tsen aqendur i nutni. Lemmer d lebɣi, d lferḥ ara ferḥen i Yusef. D acu yefka Yaεqub i Yusef? (Laṣel n ddunit 37) 30 31 Aqcic-a isem-is “Musa”, tameṭṭut yellan yid-s d tageldunt. D nettat i t-yufan di tḍellaɛt deg wasif n “Nil”, axaṭer bɣan yemcum ad t-nɣen. Rebbi iceggeε-d tageldunt-a i wakken ad t-id-tsellek yerna ad t-tejmeɛ. Anida i tufa tageldunt Musa? (Tufɣa 2) 32 33 Musa yimɣur, yuɣal d argaz. Yiwen n wass iwala yiwet n tqaluct iceεlen maεna ur treqq ara! Yemmeslay-as-d Rebbi si tqaluct-nni, yenna-as-d: “Ruḥ ad d-tsellkeḍ agdud-iw”. Di tazwara, Musa yugad, maεna Rebbi yenna-asd: “Ad iliɣ yid-k” D acu i s-d-yumer Rebbi iMusa ad t-yexdem? (Tuffɣa 3) 34 35 At Israyil zedɣen di tmurt n Maṣer. Argaz-agi yeṭṭfen ajelkaḍ yella yekkat-iten i wakken ad xedmen ugar. Nutni llan ssuturen di Rebbi ad ten-id-isellek. Mbaεd, iceggeε-d Rebbi Musa i wakken ad tenissertih si lhemm n wergaz-agi amcum. Anwa ara d-issukksen agdud n Rebbi? (Tufɣa 5) 36 37 Musa yessuter i Ferεun ad yeǧǧ At Israyil ad dffɣen si Maṣer, maεna netta yugi. Dɣa Rebbi yesseɣli-d ɣef Ferεun tizit d yemqerqren s waṭas akked twaɣiyin niḍen, skerhen-asen tudert i Yimaṣriyen. Maεna Ferεun yugi ad asen-iserreḥ. Taggara, Rebbi yeqsed ad ineɣ arrac akk imenza n twaculin Timaṣriyen. D acu i yessuter Musa i Ferεun? (Tufɣa 7-11) 38 39 Musa yenna i wat Israyil ad rren limara s yidamen n yikerri ɣef leqnaḍer n tewwura n yexxamennsen. Akka, Rebbi ur ineqq ara ula d yiwen seg wat wexxam iɣef ara iwaki limara-nni n yidammen. Iḍ ideg teḍra tedyant-agi yettusemma “Iḍ n usuref”, neɣ "lεid n Usuref". Ɣer taggara, yeqbel Ferεun ad yeǧǧ At Israyil ad dffɣen si Maṣer; dɣa ffɣen-d iḍ-nni. Acimi i yerra wegdud n Rebbi idammen ɣef leqnaḍer n tewwura n yexxamen-nsen? (Tuffɣa 12) 40 41 At Israyil lḥan ɣef lqaɛa n lebḥer azeggaɣ i takewt. Twalaḍ aman ssya ussya i wegdud? Mi yerfed Musa aεekkaz-is, Rebbi yegzem lebḥer ɣef sin, dɣa agdud yeṭṭef abrid, yelḥa ɣef wakal yekkawen armi εeddan akkin ɣer ugemmaḍ. Anwa i yebḍan aman ɣef sin? (Tuffɣa 14) 42 43 Iεeggalen n twacult-agi ad d-jemmεen kra n tubiyin n weɣrum, ifka-t-id Rebbi seg yigenni i wakken ad yečč wegdud-is, ur yettlaẓ ara. Rebbi yettak-asen-d lqut i wegdud-is yal taṣebḥit. Twalaḍ taqcict-agi i la yettḥemmiden Rebbi? Anwa i d-iceggεen aɣrum-nni? (Tuffɣa 16) 44 45 Fuden wat Israyil nezzeh yerna ur sεin ara aman ad swen. Dɣa Rebbi yenna-yas-d i Musa ad yewwet taẓrut s uεekkaz-is. Mi yexdem ayen-nni, yessufeɣ-d Rebbi aman si teẓrut-nni dɣa swan akk. D acu yeḍran mi yewwet Musa taẓrut-nni s uεekkaz-is? (Tuffɣa 17) 46 47 Musa yessemḥas i Rebbi mi la s-d-yettak εecra lewṣayat yesεan azal meqqren. Yebɣa ad tent-ttarran yemdanen d lfaεl di tudert-nsen. Rebbi yura lewṣayatnni ɣef teblaḍin n weẓru. D εecra lumur. Ismawen-nsent εecra lewṣayat i s-d-yefka Rebbi i Musa. (Tuffɣa 20) 48 49 D ayen yessewhamen! Wali kan d acu xedmen wat Israyil! Xedmen-d yiwen n usebdad yecban aεejmi; upqalen ttεebbiden-t, ǧǧan Rebbi. Ayagi yesserfa Rebbi yerna yessḥzen-it aṭas. Yeqsed ad ten-iεaqeb ɣef ayen xedmen. Acimi yerfa Rebbi? (Tuffɣa 31-32) 50 51 Aqiḍun-a icebḥen isem-is “Aqiḍun n temlilit”. Yella d axxam n Rebbi. Ttasen-d ɣer-s At Israyil i wakken ad ḥemden Rebbi, ad as-ẓẓallen, ad t-εebden. D winna i yellan d tamezdayt-nsen. D acu i txeddmeḍ kečč di tmezdayt? (Tuffɣa 35. 36) 52 53 Musa yewwi agdud deg yinig ɣezzifen. Maɛna amek i yessen abrid-is? Yella iteddu deffir n tagut i yerra Rebbi sdat-sen, i wakken ad ddun deffir-s. Twalaḍ tagut-agi? D acu i yesselḥayen tagut-nni? (Tuffɣa 40) 54 55 Wali kan d acu i d-refden sin yergazen-agi, Kalib akked Yacuɛa? D iguza n tẓurin. Wwin-tent-id s lemɣawla si tmurt-nni i yewεed Rebbi ad asen-tt-yefk, i wakken ad xebbren agdud ɣef lxirat akk yellan di tmurt-nni n lemεahda. Ansa i d-kkant tẓurin-agi? (Aneẓruf 13-14) 56 57 Izerman qqsen agdud n Rebbi. Dɣa aṭas i yemmuten. Yumer Rebbi Musa ad yexdem asebdad n ṣṣifa n wezrem, s kra n win yeqqes uzrem, ilaq-as kan ad imuqel s asebdad-nni dɣa ur yettmettat ara. Rebbi ad t-isellek. Anwa i d-isellken si lmut imdanen-nni i qqsen yizerman? (Aneẓruf 21) 58 59 Rebbi ur yebɣi ara ad iruḥ Bilεam seg ubrid-nni, dɣa iceggeε-as-d yiwen n lmelk i wakken ur t-yettaǧǧa ara ad iεeddi. Aɣyul-is iwala lmelk-nni dɣa yeḥbes, maεna Bilεam yebda yekkat-it i wakken ad ilḥu. Dɣa aɣyul-nni yenna-yas: "Acimi la yi-tekkateḍ akka?". Ɣer taggara Baεlam iwala lmelk-nni dɣa yefreḥ imi yeḥbes weɣyul-is. D acu i d-yenna weɣyul n Bilɛam? (Aneẓruf 22) 60 61 Mbaɛd Musa, yusa-d Yacuεa i wakken ad yawi agdud n Rebbi. Yumer-as-d Rebbi ad ihudd leṣwar n temdint n Yariku i wakken ad tt-ikcem. Yewwi yid-s agdud, tezzin i ṣṣur, kkaten lbuq yerna ttɛeggiḍen. Imirnni kan leṣwar ɣlin, dɣa agdud merra yekcem tamdint n Yariku. D acu yeḍran d leṣwar n Yariku? (Yucuεa 6) 62 63 Gidεun yebɣa ad yawi εecralaf n yiserdasen i wakken ad yennaɣ netta d yeεdawen n wegdud n Rebbi, maεna Rebbi yebɣa ad yawi cwiṭ kan. Yumer Rebbi Gidεun ad ixtir wid yeswan aman s ufus-nsen: telt meyya yergazen. Gidεun yugad ad iruḥ s wanect-nni n yergazen, maεna Rebbi yenna-yas-d: “Ad iliɣ yid-k, ad k-εiwneɣ”. Acḥal n yiserdasen i yewwi Gidεun yid-s? (Inezzurfa 7) 64 65 Cimcun yella d argaz Iǧehden nezzeh nezzeh. Wali amek i yesseɣres imurar s shala. Yiwen wass yenɣa izem s ufus-is. Tikelt-niḍen ihudd lberj i wakken ad iεaqeb iɛdawen n wegdud n Rebbi. Yefka-yas Rebbi tazmert akken ad isellek agdud-is. Isem-is wergaz-agi? (Inezzurfa15) 66 67 Tameṭṭut-agi yelsan taqendurt tazegzawt isem-is "Naεumi". Teḥzen axaṭer argaz-is d warraw-is mmuten. Rut la tt-tettṣebbir u teqṣed ad tidir yid-s. Rebbi yebɣa ad nεiwen wiyaḍ. D acu i tzemreḍ ad t-txedmeḍ i wakken ad tεiwneḍ wiyaḍ? Isem-is tameṭṭut-agi iεawnen Naεumi? (Rut 1) 68 69 Argaz-agi yelsan aqendur amellal isem-is "Yub". Yella d argaz lεali, ixeddem ayen akk yebɣa Rebbi yal ass. Yessuter Cciṭan i Rebbi ad iɛemmed i wayen ara yerren Yub di lḥif. Maεna, ɣas akken yeḥzen Yub, werǧin yergim Rebbi. Yub, iḥemmel Rebbi yal ass? (Yub1) 70 71 Yella Camwil d aqcic amecṭuḥ, maεna yezdeɣ netta d Ɛili deg wexxam n Umeɣlal. Yiwen n yid yesla i ṣṣut ad as-d-yessawal, yenwa d Ɛili i d-inedhen fell-as, maεna d ṣṣut n Rebbi. Ibɣa ad as-d-yini kra i Camwil, yessemḥes Camwil i tiɣri n Rebbi, dɣa yuɣ-as awal. Anwa i d-yessawlen i Camwil? (1 Camwil 2) 72 73 Mi meqqer Camwil, Agdud n Israyil yettnadi ad yesεu agellid, maεna ayagi ur yeεǧib ara i Rebbi, axaṭer yeẓra uguren ara sen-d-yawi wanect-nni. Xtaren Cawul, yella yecbeḥ yerna ɣezzif, i wakken ad yili d agellid. Camwil yenna i wegdud; «Atan ugellidnwen, ttaɣet-as awal". Isem-is ugellid n Israyil? (1 Camwil 8) 74 75 Dawed Yella d aqrib n Rebbi yerna iḥemmel-it. Yella d ameksa n lmal n baba-s netta mazal-it meẓẓi. Twalaḍ snitra-agi-ines ɣer tama-s? Yura aṭas n yihellilen i d-yettmeslayen ɣef leḥmala n Rebbi. Llan di Tektabt Iqedsen, ismawen-nsen "Ihellilen" D acu yura Dawed? (1Camwil 16) 76 77 Camwil Meqqer yuɣal d amɣar, maεna mazal-it iqeddec ɣef Rebbi. Inna-yas-d Rebbi ad ismir Zzit ɣef uqerru n Dawed, axaṭer d netta ara yuɣalen d agellid ɣef wegdud n Rebbi. Rebbi iεawen nezzeh Dawed iwaken ad yili d agellid yelhan. Anwa ara yuɣalen d agellid amaynut ɣef wegdud n Rebbi? (1 Camwil16) 78 79 Izem-agi yebɣa ad yečč lmal n Dawed. Twalaḍ izem d lmal-nni? Yefka-yas Rebbi i Dawed afud akked tezmert. Rebbi iɛawen Dawed ad ineɣ izem-nni dɣa yessemneɛ-d lmal-is. Yečča yizem lmal n dawed? Acimi? (1 Camwil 17) 80 81 Gulyat yebɣa ad ineɣ At Israyil s ujenwi-s akked umezrag-is. Meɛna Dawed yerra aẓru deg yildi-s dɣa yewwet-it yis-s; iḥuza-t deg unyir-is dɣa yeɣli yemmut. Agdud n Israyil yemneɛ, yuɣal iɛac di laman. Anwa i yenɣan Gulyat? (1 Camwil 17) 82 83 Agellid Cawul yesεa aqcic isem-is Yunatan. Yunatan d Dawed llan d iḥbiben. Yeεreḍ ugellid Cawul ad ineɣ Dawed. Meεna Yunatan iεawen Dawed ad yerwel ɣef ugellid. Yunatan yeẓra belli ilaq-as ad yaɣ awal i Rebbi yerna ad yessemneɛ Dawed, ɣas akken d baba-s i yebɣan ad t-ineɣ. Nekni daɣen, ilaq ad nettaɣ awal i Rebbi. Anwa i d aḥbib n Dawed? (1 Camwil 20) 84 85 Agellid Cawul inuda ɣef Dawed anda ara tyaf i wakken ad t-ineɣ. Mi d-yeɣli yiḍ, Cawul yeṭṭes axaṭer yeɛya aṭas. Yeffeɣ-d Dawed seg wanda akken yeffer dɣa yufa-d Cawul sdat-s yeṭṭes. Amek ara syexdem Dawed? Ad d-yerr ttar seg-s? Rebbi ur yebɣi ara ad iwet Dawed agellid. Dɣa Dawed iḍuε Rebbi. Yella kra i s-yexdem Dawed i ugellid? (1Camwil 26) 86 87 Dawed yuɣal d agellid ɣef wegdud n Israyil. Asenduq-agi deffir-is isem-is “Asenduq n lemεahda”. Atan Dawed la yettneggiz si lferḥ sdat usenduq-nni, mi t-id-yewwi ɣer Yarucalim. Dawed Iḥemmel Rebbi, Rebbi iḥemmel Dawed. Ula d kečč, Rebbi iḥemmel-ik. Freḥ ihi, amarezg-ik! Acimi yefreḥ akka ugellid Dawed? (2 Camwil 6) 88 89 Tameṭṭut-agi icebḥen isem-is "Bat-Cibaε". Dawed yexdem taxessart anect-ila-tt, yumer ad yettwaneɣ wergaz-is di ṭṭrad, mbeɛd yezwzǧ yid-s netta. S ddnub-agi, Dawed yerẓa yiwen si lumur-nni i d-yefka Rebbi. Yerfa Rebbi nezzeh, dɣa iεuqeb Dawed. Acimi yerfa Rebbi ɣef Dawed? (2 Camwil 11-12) 90 91 D wagi i d Abcalum mmi-s n ugellid Dawed. Iserdasen n ugellid ddan-tt deffir-s axaṭer ur iḍuε ara baba-s yellan d agellid. Abcalum yerkeb ɣef uɣyul-is, dɣa iεedda seddaw ttejra, meɛna yettwaεelleq seg yimezran-is ɣer ifurkan n ttejra-nni, dɣa yemmut. Imiren ufant-id dinna yiserdasen n ugellid. D acu yuɣen imezran n Abcalum? (2 Camwil 18) 92 93 Dawed isɛa daɣen mmi-s niḍen isem-is «Sliman». Di tugna-agi, ad nwali Natan, aqeddac n Rebbi, yessers ifassen-is ɣef uqerru n Sliman i wakken ad yuɣal d agellid mi ara yemmet baba-s Dawed. Yessuter Sliman di Rebbi ad t-yerr d agellid ukyis. Rebbi yefreḥ s wayen i s-yessuter Sliman, dɣa yefka-yas-d lekyasa d tameqqrant. D acu yessuter Sliman i Rebbi? (1 igelliden 1) 94 95 Snat-agi n tlawin mceččawent ɣef llufan; yal yiwet teqqar d akken d mmi-s. Yefka Rebbi lekyasa i Sliman swayes i d-yufa anta i d yemma-s n tidet n llufan-nni; dɣa yefka-yas-t. Γef wayagi, agdud yettḥemmid Rebbi imi i sen-d-yefka agellid ukyis. Γef wacu i mceččawent snat-agi n tlawin?? (1 Igelliden 3) 96 97 Agellid Sliman yebna axxam i Rebbi acekk-it, isemma-yas "Afakan". Twalaḍ agellid Sliman sdat n ufakan? Atan yettḥemmid Rebbi. Agellid yefreḥ aṭas imi iqeddec ɣef Rebbi. Ula d nekk akked d kečč nezmer ad neqdec ɣef Rebbi. D ayen ara yesferḥen ulis. D acu i yebna ugellid Sliman? (1 Igelliden 8) 98 99 Dagi ad nwali agellid Sliman amek yerẓa yiwen si lumur n Rebbi. Teẓriḍ d acu n ddnub yexdem? Hatan yekna sdat yisebdaden n ddheb. D Rebbi kan weḥd-s i ilaq ad t-iεbed. Ayagi yesserfa Rebbi dɣa iεuqeb Sliman. D acu n ddnub i yexdem Sliman? (1 igelliden 11) 100 101 Ilya yella d nnbi iqeddcen ɣef Rebbi. Yiwen wass, yelluẓ. Imi iḥemmel Rebbi, Rebbi iceggeɛ-as-d ifrax i s-d-yewwin lqut. Twalaḍ ifrax a sd-ttawin aɣrum? Rebbi iḥunn ɣef Ilya aṭas aṭas. Ula d kečč, yettḥunnu fell-ak Rebbi. D acu i d-wwin yefrax i Ilya? (1 Igelliden 17) 102 103 Yessuter Ilya i Rebbi ad iceggε times seg yigenni. Twalaḍ Ilya di tugna-agi? Atan yettẓalla i Rebbi i wakken ad d-tban tazmert tameqrant n Rebbi. Yerra-d Rebbi i tiɣri n Ilya? Ih. Wali di tugna-agi times i d-isseɣli Rebbi seg yigenni! D acu i d-iceggeε Rebbi seg yigenni? (1 Igelliden 18) 104 105 D acu akka i yeḍran dagi? Iceggɛ-d Rebbi iɛawdiwen akked yikerrusen n tmes i wakken ad yawi Ilya s igenni! Seg yimir-nni, ulac win iwalan Ilya. Hatan deg yigenni netta d Rebbi. Ilicaε yuɣal d nnbi deg wemkan-is. S anda yewwi Rebbi Ilya? (2 Igelliden 2) 106 107 Tameṭṭut-agi ur tesεi acemma ara tečč, siwa cwiṭ n zzit di teqbuct. Yumer-itt Ilicaɛ, aqeddac n Rebbi, ad teččar tiqbucin-niḍen. Texdem ayen i s-d-yenna; tekker tettacar trennu, yerna zzit tugi ad tekfu. Tura tezmer ad tezzenz anect-nni akk n zzit, i wakken ad d-taɣ lqut ara tečč. Amek i s-yenna Ilicεa i tmeṭṭut-nni ad t-texdem? (2 Igelliden 4) 108 109 Tameṭṭut-agi tessen Ilicaε. Yuḍen mmi-s aṭan iweɛren, dɣa yemmut. Truḥ ɣer Ilicaε, tessuter deg-s lemεawna. Yeẓẓul Ilicaε, dɣa yeḥya-d wzqcic-nni. Tefreḥ tmeṭṭut-nni, axaṭer Rebbi yezmer i kullec. D acu yeḍran d weqcic-nni? (2 Igelliden 4) 110 111 Argaz-agi deg ukerrus isem-is «Naεman», yerna yuḍen. Tenna-yas teqcict-agi tamecṭuḥt belli Ilicaε, aqeddac n Rebbi, yezmer ad yeẓẓal fell-as dɣa ad iḥlu. Irkeb Naεman akerrus-is, iruḥ ad iwali Ilicaε, dɣa yuɣal-d yefreḥ imi i t-isseḥla Rebbi. D acu i tenna teqcict-nni tamecṭuhṭ i wergaz-nni ihelken? (2 Igelliden 5) 112 113 Twalaḍ ttejra-agi yeɣlin? Irgazen-a gezzmen-tt s tcaqurin. Yiwen seg-sen truḥ-as tcaqurt-is ɣer wasif, tezze deg waman. Maεna Ilicaε, aqeddac n Rebbi, yerra-tt-id la tettifliw ɣef waman, mi iḍegger yiwet n tciṭa s aman, dɣa bab n tcaqurt-nni yeddem-itt-id. D acu yeḍran d tcaqurt-nni. (2 Igelliden 6) 114 115 Imdanen-agi ferḥen nezzeh, cennun tturaren s wallalen n uẓawan (lmuziga) deg ubrid-nsen s axxam n Rebbi. Ttḥemmiden Rebbi imi yettεawan-iten. Ula d nekni, ilaq-aɣ ad neḥmed Rebbi. Nezmer ad nemdel allen-nneɣ, ad nṣubb aqerru-nneɣ, dɣa ad asnini; “Tanemmirt, a Rebbi” D acu i la qarren yemdanen-agi i Rebbi? (2Amezruy 20) 116 117 Mi yella uqeldun Yahuwac meẓẓi, tenwa setti-s tamcumt ad t-neɣ. Dɣa wwin-t yeqriben-is frent armi yewweḍ sebεa yiseggasen di leɛmer-is. Mbaεd Yuɣal d agellid! Twalaḍ di tugna-agi amek i wwin yiserdasen setti-s mebεid fell-as, i wakken ur as-txeddem acemma. Yahuwac yella d win iḥemmlen Rebbi, yerna yella d agellid yelhan. Acḥal di leεmer n Yahuwac? (2 igelliden 11) 118 119 Imdanen-agi atnan ttreqqiεen axxam n Rebbi. D agellid Yahuwac i ten-yumren ad xedmen ccɣel-nni axaṭer iwala d ayen ilaqen, yerna yeḥwaǧ wegdud amkan anda ara yeɛbed Rebbi, anida ara t-ttḥemmiden ɣef lecɣal-is meqqren. Γef acu i tebɣiḍ ad tḥemdeḍ Rebbi?? (2 Igelliden 12) 120 121 Yuna ur yebɣi ara ad as-yaɣ awal i Rebbi, iruḥ yerwel deg yiwen n lbabur; maεna Rebbi yessker-d yiwen waḍu yeǧhed. Mi d-yeḥka Yuha taqṣḍt-is i yibeḥriyen, ḍeggrent ɣer waman, dɣa yusa-d yiwen uḥutiw ameqqran, yesseblε-it. Tlata wussan mbaɛd, aḥutiw-nni iḍegger-d Yuna ɣer teftist. Yuna yecɛef, iruḥ yuɣ awal i Rebbi. D acu yeḍran d Yuna? (Yuna 1-2) 122 123 Yumer ugellid Aḥaz iqeddacen-is ad medlen tiwwura n wexxam n Rebbi, axaṭer yella d agellid amcum. Ur yebɣi ara ad ruḥen medden ɣer ufakan i wakken ad εebden Rebbi. Rebbi iεuqeb Aḥaz. Kečč, amarezg-ik! Tferḥeḍ axaṭer tamezdayt-ik telli yal ass. D acu yeḍran d tewwura n wexxam n Rebbi? (2 Amezruy 28) 124 125 Aṭas n yigelliden i yellan ttεebbiden lmeṣnuεat, yerna ssawḍen ula d agdud n Rebbi ad ixdem am nutni. ^Ttruḥun deɛɛun ɣer lmeṣnuɛ
